भरतपुर । राष्ट्रिय प्रजातन्त्र पार्टी चितवनले निर्वाचन परिचालन समिति गठन गरेको छ । बैशाख ३० गते हुने स्थानीय तहको निर्वाचनलाई लक्षित गरेर १ सय १ सदस्यीय समिति गठन गरिएको राप्रपा चितवनका प्रवक्ता राजु भण्डारीले जानकारी दिनुभयो ।
संयोजकमा चुडामणी सापकोटा चयन हुनुभएको छ । सापकोटा बार एशोसियसन चितवनका पूर्वअध्यक्ष समेत हुनुहुन्छ । सफल अधिवक्ताका रुपमा स्थापित सापकोटा विद्यार्थी राजनीतिदेखिनै राजनीतिमा सक्रिय हुनुहुन्थ्यो । प्रवक्ता भण्डारीका अनुसार सहसंयोजकमा अमर पराजुली, सदस्य सचिवमा केशव भण्डारी चयन हुनुभएको छ । सदस्यहरुमा प्रकाश थपलिया, रामकृष्ण क्षेत्री, मिना विक, घनश्याम गिरी लगायत चयन हुनुभएको छ ।
समस्या, सुझाव र चाहना संकलन गर्दै जनमैत्री जनप्रतिनिधिका रुपमा राप्रपाका उम्मेदवारहरुनै घरदैलोमा जानुहुने उहाँले बताउनुभयो ।
निर्वाचन परिचालन समितिले आकांक्षी उम्मेदवारहरुको नामावली संकलन, घोषणापत्र तयारी, चुनावी रणनीति, वडा कार्यालयसँग समन्वय लगायतका कामहरु गर्ने बताउनुभयो । राप्रपा चितवनले अधिकाँस वडाहरुमा वडा कार्यालय स्थापना, घरदैलो अभियान भैसकेका छन् । केही वडाहरुमा उम्मेदवारहरु पनि सर्वसम्मत रुपमा चयन गरिसकेको छ ।
बैशाख २ गते भरतपुरमा बृहत आमसभा
बृहत आमसभालाई सम्बोधन गर्न राप्रपाका शिर्षनेताहरु चितवन आउनुहुने भएको छ । यही बैशाख २ गते भरतपुरमा हुने बृहत आमसभामा सम्बोधन गर्न राप्रपा अध्यक्ष राजेन्द्र लिङदेन, उपाध्यक्ष विक्रम पाण्डे, प्रवक्ता ज्ञानेन्द्र शाही आउने कार्यक्रम रहेको राप्रपा चितवनका अध्यक्ष रुद्र ढकालले जानकारी दिनुभयो ।
कन्द्रीय बस ट्रमिनल पारस बसपार्कमा हुने आमसभा पूर्व झाँकी सहितको ¥याली समेत निकाल्नेछन् । कार्यक्रम २ गते विहान ११ बजेदेखि सुरु हुनेछ ।
