गैँडाकोट । चर्चित गायिका रचना रिमाल आफ्नोबारे गलत समाचार लेख्नेविरुद्ध कानुनी कारवाहीमा जाने बताउनुभएको छ । आफ्नो फेसबुक पेजबाट लामो स्टाटस लेख्दै उहाँले हुँदैनभएको विषयलाई समाचार बनाएको भन्दै कानुनी कारबाहीको प्रकृया अगाडि बढाउने बताउनुभएको हो । आफूलाई क्रिक्रेट एसोसिएसन अफ नेपाल (क्यान) ले मैदान प्रवेश गरेको बारेमा स्पष्टिकरण सोधेको भन्ने बारेमा समाचार आएको तर त्यो सरासर गलत भएहो रिमालको प्रष्टीकरण छ ।

उहाँले लेख्नुभएको छ,“समाचारमा उल्लेखित नाम क्यानका पदाधिकारी प्रशान्त विक्रम मल्ल दादालाई मैले टेलिफोन मार्फत बुझ्दा पनि त्यस्तो केहि नभएको ,तपाईंलाई हामिले बोलाएका हौँ, तपाईँ हाम्रो अतिथि हो हामिले त्यस्तो किन गर्ने ? भन्ने बताउनु भएको छ । यसैले पनि उक्त समाचार गलत रुपमा लेखिएको छ त्यसको म घोर बिरोध गर्दछु। साथै मेरो मान हानि हुनेगरि उक्त प्रकारको समाचार लेख्ने सबै मिडियाहरुलाई आवश्यक कानुनी कारबाहीको लागि प्रकृया अगाडि बढाउने छु ।”

हालै सम्पन्न टि ट्वान्टी सिरिजको फाइनल म्याच मैदानमै सम्पुर्ण समर्थकसँगै बसेर हेर्ने योजना साथ आफू १ बजे मैदान पुगेको रिमालले बताउनुभयो । तोकिएको रु. २०० को टिकट किनेर खेलको पहिलो इनिङ समर्थकहरुको बिचमा बसेर हेरेको , दोश्रो इनिङ्को ५ ओभर पछि क्यानको निमन्त्रणा मा भीभीआइपी बक्समा बसेर अन्तिम सम्म खेल हेरेर खेल पश्चात् सबै अतिथिसँगै पुरस्कार वितरण समारोहमा सरिक भएको उहाँको भनाई छ।

त्यसै समय केहि खेलाडी र प्रशिक्षक संग फोटो खिच्ने अवसर प्राप्त गरेको र समारोह सकिएपछि मैदानबाट फर्किएको तर केहि अनलाईन समाचारहरुमा कृकेट असोसिएसन अफ नेपाल क्यानले मैदान प्रवेश गरेको बारेमा स्पष्टिकरण सोधेको भन्ने बारेमा समाचार आएको देखेपछि आफूलाई यो स्टाटस लेख्नपरेको रिमालको भनाई छ ।
“सदैव खेलकुद र खेलाडी हरुप्रति मेरो उच्च सम्मान र समर्थन रहनेछ,” उहाँले लेख्नुभएको छ ।

https://www.facebook.com/RachanaRimal11/posts/542101690817587