चितवन। चितवनको एक मात्रै गाउँपालिका इच्छाकामना गाउँपालिकाले एक घर एक धारा अभियानलाई तीव्र पारेको छ । खानेपानीको सहज उपलब्ध नहुँदा घण्टौँ हिँडेर डोकोमा बोक्दै खानेपानी व्यवस्थापन गर्नुपर्ने स्थानीयको पीडालाई सधैँका लागि अन्त्य गर्न गाउँपालिकाले यो अभियानलाई निरन्तरता दिएको हो ।
गाउँपालिका अध्यक्ष गीता कुमारी गुरुङका अनुसार पछिल्लो पटक इच्छाकामना १ मेट्राङमा खानेपानीको धारा पुगेको छ । त्यहाँका ५८ घरधुरीमा खानेपानी धारा निर्माण सम्पन्न भएसँगै हिजो उद्घाटन गरिएको हो ।
गाउँपालिका अध्यक्ष गुरुङले एक कार्यक्रमकाबीच खानेपानी आयोजनाको उद्घाटन गर्नुभएको हो । आफुले निर्वाचनमा गरेको वाचा पुरा गरेको बताउँदै निर्वाचनका समय मत माग्न आउँदा खाना खाएर रुखको पातले हात पुछेको स्मरण गर्दै त्यो सम्मको समस्यालाई समाधान गर्न पाउँदा धेरैनै खुसी मिलेको गुरुङको भनाई थियो ।
वाइन टु वाटरसंगको सहकार्यमा लिफ्टिङ मार्फत ५८ घरधुरीमा खानेपानी धारा पु¥याउन सफल भएको उहाँले बताउनुभयो । साथै अध्यक्ष गुरुङले सबै वडाका बस्तीहरुमा सडक पुगेको धेरै जसो घरघरमा खानेपानी, प्रत्येक वडामा स्वास्थ्य सेवा पु¥याइएको बताउनुभयो । चुनावी प्रतिवद्धता पूरा हुँदै गएको भन्दै उहाँले बाँकी योजनालाई पनि तीव्रताका साथ काम गरेर सम्पन्न गर्ने चरणमा रहेको बताउनुभयो ।
कार्यक्रममा बोल्दै वाइन टु वाटरका प्रमुख कार्यकारी अधिकृत प्रमोद चन्दनले आगामी दिनमा यहाँका चेपाङ समुदायको आर्थिक समृद्धिका लागि विभिन्न कार्यक्रमहरु सञ्चालन गर्ने प्रतिवद्धता व्यक्त गर्नुभयो । वाइनटुवाटर नेपालका कार्यकारी अधिकृत रोशनी कार्की सापकोटाले छोटो समयमै खानेपानी आयोजना सम्पन्न भएको बताउँदै घरघरमा पानी आइसकोले अब सरसफाईमा लाग्न सुझाव दिनुभयो ।
सुन्दर गाउँ बनाउन सबै लाग्नुपर्नेमा जोड दिँदै पानीलाई सुद्धिकरण गरेर पिउन उहाँको आग्रह छ। खानेपानी उपभोक्ता समितिका अध्यक्ष धन बहादुर चेपाङले घण्टौ लगाएर कुवाबाट पानी भर्नु पर्ने समस्या सामाधान भएको बताउनुभयो ।
गाउँपालिका अध्इक्ष सहितका जनप्रतिनिधि र वाइन टु वाटरका प्रतिनिधिहरुलाई उहाँले धन्यावाद दिनुभयो । वाइन टु वाटरका वास संयोजक यज्ञराज जोशीले ४६ लाखमा आयोजना समपन्न भएको जस मध्ये १२ लाख गाउँपालिका र बाँकी वान टु वाटरको आर्थिक सहयोग रहेको जानकारी दिनुभयो । उद्घाटन कार्यक्रममा उपाध्यक्ष कृतिकुमार श्रेष्ठ, प्रवक्ता सावित्री गुरुङ, वडाध्यक्ष नन्दलाल गिरि, वडा सदस्य लगायतको उपस्थिति थियो ।
