चितवन । चितवनको भरतपुरमा मोटरसाइकल पल्टिदा चालकको मृत्यु भएको छ। भरतपुर महानगरपालिका–७ स्थित हेल्थपोष्ट चोकबाट प्रेमबस्ति चोकतर्फ जाँदै गरेको बा ६३ प ७४०६ नम्बरको मोटरसाइलकल अनियन्त्रित भई ठेला गाडा र स्कुटरमा ठोक्किन पुग्दा मोटरसाइकल चालकको मृत्यु भएको छ ।

मृत्यु हुनेमा मोटरसाइकल चालक भरतपुर–१५ फुलबारीका २५ वर्षीय एक्सन गौतम रहेका छन् ।

गौतमको उपचारका क्रममा पुरानो मेडिकल कलेजमा मृत्यु भएको जिल्ला ट्राफिक प्रहरी कार्यालय चितवनले जानकारी दिएको छ ।

तीव्र गतिको मोटरसाइकल अनियन्त्रित भएर अन्य सवारी साधनमा ठोक्किएर पल्टिएको हो ।