चितवन । चितवनमा लागुऔषध सहित एक जना व्यक्ति पक्राउ परेका छन् । जिल्ला प्रहरी कार्यालय चितवनका सूचना अधिकारी नरहरि अधिकारीका अनुसार राप्ती ५ भण्डारामा लागुऔषधको कारोबार भईरहेको गोप्य सुचना पाएपछि गएको प्रहरी टोलीले मकवानपुर जिल्ला हेटौडा उपमहानगरपालिका १९ बस्ने बर्ष ३८ को ज्ञान बहादुर स्याङबोलाई पक्राउ गरेको हो ।

Advertisement

हिजो भण्डारामा शंकास्पद रुपमा हिडिरहेका उनको खानतलासी गर्दा उनले बोकेको झोलाबाट प्रतिबन्धित लागु औषध डाईजेपाम १०० एम्पुल, ब्युप्रिनर्फिन १०० एम्पुल र फेनारगन १०० एम्पुल फेला परेको अधिकारीले बताउनुभयो ।
चितवन जिल्ला अदालतबाट म्याद थप अनुमती लिई उनीमाथि थप अनुसन्धान भईरहेको चितवन प्रहरीले जनाएको छ ।