गैँडाकोट । घरघर जाऔँ, काँग्रेस जिताऔँ अभियान अन्तर्गत आज गैँडाकोट ५ मा वडास्तरीय प्रशिक्षण तथा अन्तरक्रिया कार्यक्रम सम्पन्न भएको छ । वार्ड सभपति लक्ष्मण कार्कीको अध्यक्षतामा सम्पन्न कार्यक्रमको प्रमुख अतिथि महासमिति सदस्य मदनभक्त अधिकारी रहनुभएको थियो । कार्यक्रममा सुसिल काफ्ले, नारायण सापकोटा र राजु सापकोटाले प्रशिक्षण दिनुभएको थियो । कार्यक्रममा बोल्दै प्रमुख अतिथि अधिकारीले अवको चुनावमा काँग्रेसका उम्मेदवार जिताउन सवै सक्रिय भइ लाग्न आग्रह गर्नुभयो ।
विशेष अतिथि महासमिति सदस्य ओम प्रसाद सापकोटा,गण्डकी प्रदेश कार्यसमिति सदस्य द्रोणवन सन्यासी, जिल्ला सह–सचिव राजेश पौडेल,जिल्ला समन्वय समिति उपाध्यक्ष शारदा विश्वकर्मा,किसान संघ पुर्वकेन्द्रीय सदस्य तुलसी गौतम लगायत महिला संघ, तरुण दल, नेविसंघ,टोल सभापति ,क्रियाशिल सदस्य,साधारण सदस्यहरुको प्रशिक्षण कार्यक्रममा उपस्थिति रहेको थियो ।