चितवन । नेपाली काँग्रेसका नेता एवम् पूर्व उपसभापति रामचन्द्र पौडेलले आगामी स्थानीय चुनावमा गठवन्धन जरुरी रहेको बताउनुभएको छ । गठवन्धनविना चुनावमा जान नहुने भन्दै पौडेलले ७० वर्षसम्म लडेर ल्याएको उपलब्धि रक्षाका लागि पनि अहिले गठवन्धन आवश्यक भएको बताउनुभएको हो ।
आज भरतपुर विमानस्थलमा पत्रकारहरुसँग कुराकानी गर्दै उहाँले अहिले गठवन्धनवीच छलफल जारी रहेको र कुन स्थानीय तहमा कसलाई उम्मेदवार गराउने भन्ने निर्णय आउन बाँकी भएको बताउनुभयो । स्थानीय स्तरबाट छलफल भएर क्षेत्र, प्रदेश र वल्ल केन्द्रले निर्णय गर्ने बताउँदै गठवन्धन भएर जाने प्रष्ट पार्नुभयो ।
पौडेलले भन्नुभयो,“केपी ओलीले विगतमा गरेका गतिविधिलाई इगित गर्दै नेता पौडेलले प्रतिगमनबाट देशलाई बचाउनका लागि गठवन्धन आवश्यक छ । परिवर्तन जोगाउनका लागि यो गठवन्धन हो । स्थानीय तहमा पनि गठवन्धन हुन्छ । ”
भरतपुरमा काँग्रेसले छोड्ने हो त भन्ने प्रश्नमा नेता पौडेलले भाग लगाउँदै जाँदा पर्न पनि नपर्न पनि सक्छ भन्दै अहिलेनै कुनै निर्णय नभएको प्रष्ट पार्नुभयो । तर निर्णय गर्दा पार्टीभित्र केन्द्रको निर्णय नलाद्ने र तलैबाट पर्याप्त छलफल गर्ने पौडेलेको भनाइ थियो ।
