चितवन । चितवनको रत्ननगरमा भएको सवारी दुर्घटनामा एक दम्पतीको मृत्यु भएको छ ।

पूर्व पश्चिम राजमार्ग अन्तर्गत रत्ननगरको भानुचोकमा बस र मोटरसाइकल ठोक्किदा दुईजनाको मृत्यु भएको हो ।

दुर्घटनामा गम्भीर घाइते भएका रत्ननगर २ निवासी ४५ बर्षीय निरञ्जन श्रेष्ठ र उनकी ४० बर्षीया श्रीमती निनतारा श्रेष्ठको उपचारको क्रममा मृत्यु भएको जिल्ला प्रहरी कार्यालय चितवनका प्रबक्ता नरहरी अधिकारीले जानकारी दिनुभयो ।

पूर्वबाट पश्चिम जाँदै गरेको ना ५ ख १९० नम्बरको मिनीबस र पश्चिमबाट रत्ननगर तर्फ आउदै गरेको बागमती प्रदेश ०३– ००२ प १८९५ नम्बरको मोटरसाइकल ठक्कर खाएको थियो ।