गैँडाकोट । नेकपा माओवादी केन्द्रको भातृसंस्था वाईसीएल नवलपुरका जिल्ला अध्यक्ष प्रवीणराज पौडेल नेकपा एमालेमा प्रवेश गर्नुभएको छ ।

गैँडाकोट ४ का उहाँ सदरमुकाम कावासोतीमा भएको पार्टि प्रवेश कार्यक्रममा एमाले प्रवेश गर्नुभएको युवा संघ नवलपुरका अध्यक्ष कृष्ण कडेँलले जानकारी दिनुभयो ।

नेकपा माओवादी केन्द्रबाट मुलुकको परिवर्तन सम्भव नभएको भन्दै पौडेल नेकपा एमाले प्रवेश गरेको बताउनुभयो ।

मुलुक परिवर्तन नेकपा एमालेबाट मात्रै सम्भव भएकाले पार्टी प्रवेश गरेको उहाँको भनाई छ ।

प्रचण्डसँगै युुद्ध लडेका सहकर्मीहरु धमाधम उनको साथ छाडेको भन्दै अव मुलुकको परिवर्तनको लागि एमालेमा रहेर राजनैतिक आन्दोलन अगाडी बढाउने पौडेलले बताउनुभयो ।

पौडेल गत कार्तिक १९ गते वाइसिएल नवलपुरको अध्यक्षमा चयन हुनुभएको थियो ।