चितवन । क्रिक्रेटर पारस खड्काले विदेश अध्ययन सकाएर आफ्नै देशमा आइ राम्रो काम गर्न आह्वान गर्नुभएको छ । उहाँले भविष्य उज्जवल गराउन विदेश जाने गरेपनि ती देशहरुमा हासिल गरेका ज्ञान सीप आफ्नै देशमा प्रयोग गर्न भन्नुभएको हो । खड्काले भन्नुभयो,“विदेशमा हुँदापनि नेपालको माया नभएको भन्ने होइन । यो भ्रम हो । विदेश भएपनि रेमिट्यान्स मार्फत त्यतिनै सहयोग छ ।”
एक्सपर्ट एजुकेशन एण्ड भिजा सर्भिसेज चितवनको आयोजनामा ‘एक्सपर्ट ग्रान्ड एजुकेशन फेयर–२०२२’ एवं मिट एण्ड ग्रीट वीथ पारस खड्का कार्यक्रममा विद्यार्थीहरुलाई सम्वोधन गर्दै उहाँले विदेश जाने नजाने विद्यार्थीको स्वःइच्छा भएको तर एक्सपर्टले अष्ट्रिेलिया सहितका देशमा सुरक्षित र भरपर्दो माध्यमबाट अध्ययनका लागि पठाउने गरेको बताउनुभयो । धेरैले देशकै लागि क्रिक्रेट खेल्ने व्यक्ति एक्सपर्टमा आवद्ध किन भनेर प्रश्न आइरहने भन्दै उहाँले विद्यार्थीहरुलाई दुःख नदिएर अध्ययनका लागि सुरक्षित पठाउने भएकाले विश्वास गरेको बताउनुभयो ।
एजुकेशन फेयरमा करिव २ हजार विद्यार्थी सहभागी भएका थिए । विगतका वर्षहरुमाझै यसवर्ष पनि विहान ११ बजेदेखि ४ बजेसम्म आफ्नै भवन एक्सपर्ट बेस क्याम्प, भरतपुर हाइट (होटल रोयल सेन्चुरीको पछाडी) कार्यक्रम भएको थियो ।
संचालक डिल्लीराम अधिकारीका अनुसार विद्यार्थीहरुले आफूलाई इच्छा लागेका कलेजको बारेमा बुझ्न र विदेश अध्ययनका प्रकृया, आवश्यक शैक्षिक योग्यता आदिवारे खुलेर परामर्श लिएका छन् । कार्यक्रममा विद्यार्थीहरुले अष्ट्रेलिया, क्यानडा, युके र अमेरिकाका विभिन्न विश्वविद्यालय तथा कलेजका प्रतिनिधि, अष्ट्रेलियाबाट आउनु भएका एक्सपर्टका प्रतिनिधि र बैंकका प्रतिनिधिसंग प्रत्यक्ष संवाद गर्ने अवसर पाएका थिए ।
जसका कारण ती देशमा उच्च शिक्षा अध्ययनका लागि जान चाहने विद्यार्थीहरुले प्रत्यक्ष रुपमा त्यहाँको शिक्षा, चुनौति, अवसर र विदेश जाँदा लाग्ने खर्चको बारेमा जानकारी पाएका थिए ।
कार्यक्रममा सहभागि सबै विद्यार्थीहरुलाई विभिन्न उपहारहरु प्रदान गरिएको थियो ।
कोभिड महामारीको प्रकोप कम हुँदै गएपछि एक्सपर्ट लामो समयपछि वृहत रुपमा यस्तो कार्यक्रम आयोजना गरेको हो । नेपाली विद्यार्थीहरु अध्ययन गर्न जाने मुख्य देशहरु अष्टे«लिया, क्यानडा, युके र अमेरिकाले अवलम्वन गरेका यात्रा प्रतिवन्धका नीतिहरु खुकुलो बनाएपछि एजुकेशन फेयर गरिएको निर्देशक अधिकारीले बताउनुभयो ।
नेपालका प्रमुख शहरहरुलगायत विश्वका १३ देशका ४५ भन्दा बढी शाखाहरुबाट सेवा संचालन गरिरहेको एक्सपर्ट एजुकेशन एण्ड भिजा सर्भिसेजले वैदेशिक अध्ययनमा जान चाहने विद्यार्थीहरुलाई विगत दुई दशक देखि आधिकारिक र विश्वसनीय परामर्श प्रदान गर्दै आएको छ ।
