चितवन । जिल्ला प्रहरी कार्यालय चितवनले बेवारिसे अवस्थामा शव फेला परेको जानकारी दिएको छ।

आज बिहान साँढे ९ बजे ईच्छाकामना गाउँपालिका ५ नाग्दी खोलामा नाम थर बतन नखुलेको महिलाको शव फेला परेको हो।

घटनास्थलमा मुचुल्का लगायतको प्रारम्भिक अनुसन्धान प्रकृया पूरा गरी शव पोष्टमार्टमका लागि जिल्ला अस्पताल भरतपुरमा राखिएको छ ।

फोटो सार्वजनिक गर्दै हुलियाको फोटो सहितको शव कोहि कसैको आफन्त वा चिनजानको मानिस भएमा जिल्ला प्रहरी कार्याल चितवनमा सम्पर्क राख्न अनुरोध गरिएको छ ।