चितवन । शलोम पाँचौ राष्ट्रिय कृषि यान्त्रीकरण प्रदर्शनी २०७८ को आज समापन गरिएको छ । गत चैत ९ देखि सुरु भएको प्रदर्शनी आज सकिएको हो ।
नेपालको कृषिमा विकसीत कृषि प्रविधिको प्रयोग बढाउने र उत्पादन लागत घटाई उत्पादन बढाउने लक्ष्य सहित सुरु भएको प्रदर्शनमा करिव ५० हजार दर्शकले अवलोकन गरेको आयोजक संस्थामध्यको एक नेपाल कृषि मेसिनरी व्यवसाय संघका सदस्य सुनीता नेमाफुकीले जानकारी दिनुभयो ।
कृषि पूर्वाधार विकास तथा कृषि यान्त्रीकरण प्रबद्र्धन केन्द्रका प्रमुख महेन्द्र पौडेलले प्रदर्शनीको समापन गर्दै किसानहरुलाई ज्ञान लिन टेवा पुगेको बताउनुभयो । साथै कृषि कर्जा मेलाले थप सहज र सरल बनाएको बताउनुभयो ।
समापन कार्यक्रममा चार जना अतिथिहरु रहनुभएको थियो ।
प्रदर्शनीसँगै भएको कृषि कर्जा मेलामा अर्थसचिव, गर्भनर,विभिन्न बैँकहरुको सीइओ, इजरायलका लागि नेपाली राजदुत लगायतको उपस्थितीमा राष्ट्रिय बहस र छलफल समेत भएको छ । कृषिको विकास र प्रविधिको प्रयोगमा जोड दिँदै किसानलाई सजिलै कर्जा उपलब्ध गराउनुपर्नेमा जोड दिइएको छ ।
अव बैँकहरुले साना, मझौला र ठूला किसानको क्याटोगरी छुट्याएर सोही अनुसार कृषि कर्जा प्रवाह गर्नुपर्ने नीतिगत व्यवस्था गराउन सुझाव आएको नमाफुकीले बताउनुभयो ।
यो नीति आउन सके साना किसानले पनि सहजै कृषि कर्जा पाउने दावी गरिएको छ ।
