गैँडाकोट । नवलपुरको गैँडाकोट नगरपालिकामा प्रमुख प्रशासकीय अधिकृत फेरिएका छन् । छविलाल सुवेदीको संघीय मामिला तथा सामान्य प्रशासन मन्त्रालयमा सरुवा भएपछि नयाँ प्रमुख प्रशासकीय अधिकृतमा मुक्तिराम रिजाल यहाँ आउनुभएको हो ।
रिजाललाई नगरप्रमुख छत्रराज पौडेल, वडाअध्यक्षहरु नवराज कडेँल, प्रेम प्रसाद सापकोटा लगायतले हिजो स्वागत गर्दै प्रभावकारी सेवा प्रवाहमा ध्यान दिन सुझाव दिनुभएको थियो ।
रिजाल लोक सेवा आयोगमा कार्यरत हुनुहुन्थ्यो । त्यसअघि फलेवास नगरपालिका पर्वतमा कार्यअनुभव रहेको रिजालले बताउनुभयो ।
आफूले नगरकार्यपालिकाबाट भएका निर्णयहरुको प्रचलित विधि,कानुन,पद्धतीमा रहेर प्रभावकारी कार्यान्वयनमा ध्यान दिने घटनाचक्रलाई बताउनुभयो ।
साथै दैनिक हुने सेवाप्रवाहमा गुनासो आउन नदिनेतर्फ सचेत रहेर काम गर्ने,संस्थागत क्षमताको विकास गर्ने,प्रणाली स्थापित गराउने रिजालको भनाई छ ।
फोटो : नगरपालिकाको फेसबुक
