गैँडाकोट । नवलपुरको गैँडाकोट नगरपालिका वडानम्वर ५ ले स्वरोजगार बनाउन प्रदान गर्ने ड्राइभिङ तालिमका लागि छनौटमा परेका व्यक्तिहरुको नाम सावर्जनिक गरेको छ । वडाअध्यक्ष नवराज कडेँलका अनुसार आवेदन दिएकामध्य मापदण्डमा परेकाहरु छनौट भएका हुन् ।
वडाभित्रका गरिव विपन्नलाई आत्मनिर्भर गराउन सिपमूलक ड्राइभिङ तालिमको आयोजना गरिएको वडाअध्यक्ष नवराज कडेँलले जानकारी दिनुभयो ।
आफूहरु निर्वाचित भएर आउँदा वडाभित्रका स्थानीयलाई सिप दिएर स्वरोजगार गराउने अभियान थाल्ने बताएअनुसार यो कार्यक्रम गर्न लागिएको उहाँको भनाई छ । हातमा सिप भए दैनिकी संचालनमा कठिनाई नहुने भन्दै वडाभित्र स्थायी बसोबास गर्नुहुने गरिब,विपन्न बर्गका १६ बर्ष उमेर पुरा भएर ३५वर्ष ननाघेका युवाहरुलाई निवेदन पेश गर्न आह्वान गरिएको थियो ।
अहिले १६ जनालाई मात्रै यो तालिम दिने भएकाले १६ जनाकै नाम सार्वजनिक गरिएको छ । त्यस्तै १३ जनाको नाम वैकल्पिकमा निस्किएको छ ।
फागुन २३ सम्म निवेदन लिइएको थियो । अव चाँडै तालिम सुरु हुने मिति तोकेर सूचना निकाल्ने वडाअध्यक्ष कडेँलले बताउनुभयो ।
