चितवन । आउँदो स्थानीय निर्वाचन २०७९ मा चितवनको कालिका नगरपालिका वडानम्वर ५ को वडाअध्यक्षमा २६ वर्षीय युवाले आफ्नो उम्मेदवारी घोषणा गर्नुभएको छ ।
२०५२ सालमा जन्मिनुभएका दुर्गाप्रसाद भट्टराई (आशिष) ले राष्ट्रिय प्रजातन्त्र पार्टीको तर्फबाट वडाअध्यक्षमा चुनाव लड्ने घोषणा गर्नुभएको हो ।
‘म बनाउँछु मेरो गाउँ’ मूल सन्देश लिएर १९ बुँदे घोषणापत्र जारी गर्दै अध्यक्षमा प्रतिस्पर्धा गर्न मैदानमा आएको उहाँको भनाई छ । २०७० सालदेखि राजनीतिमा प्रबेश गर्नुभएको उहाँ छोटो समयमै समाजमा परिचित युवा मानिनुहुन्छ । दुःख र समस्यामा परेकाहरुलाई सहयोग गर्ने र गलत कार्यको खरो विरोध गर्ने भट्टराइले टोल, समाजमा रहेका स्थानीयको मन जित्न सफल भएको बताउनुहुन्छ ।
कोरोनाको समय वार्ड भरीनै विभिन्न सचेतना कार्यक्रम गर्दै कठिन परिस्थितीमा रहेका स्थानीयलाई गाँस,बास कपासको ब्यबस्था मिलाएको बताउनुभयो । विभिन्न बिद्यालयहरुमा पाठ्यक्रमका पुस्तक,कपि, कलम र नगद पनि सहयोग गर्दै आउनुभएको उहाँले युवाहरुलाई विभिन्न खेलकुदको सामानहरु सहयोग गर्ने,स्थानीयहरु बिरामी पर्दा दिनरात खटीएर सहयोग गर्ने, वार्ड बिकासका बिजुलीको समस्या समाधानमा पहल, समाजमा घटेका विभिन्न घटनाहरुमा विचार राख्ने र न्यायका लागि लड्ने युवाको छवि बनाउनुभएको छ ।
सामाजिक अभियान्ताले समेत चिनिन थाल्नुभएको भट्टराई निडर,प्रस्टबक्ता,सहयोगी भावना सहित दिनदुखी हरु लाई सहयोग गर्ने समाजसेबीको रुपमो पहिचान बनाउनुभएको छ ।
हाल राप्रपा नेपालको चितवन जिल्ला उपाध्यक्ष ,कालिका ५ को शिवालय टोलमा अध्यक्ष, वैदिक सनातन धर्म संरक्षण समिती चितवनको जिल्ला सचिब समेत हुनुहुन्छ । राप्रपा नेपालबाट उम्मेदवारी दिने उहाँले चुनाव चिन्ह तीरमा अमूल्य मत दिएर विजयी गराउन आह्वान समेत गर्नुभएको छ।
