कावासोती । नवलपुरको कावासोती नगरपालिकाका १७ वर्ट वार्डमा आत्मसुरक्षा तालिम हुने भएको छ । वार्ड भित्रका विद्यालय र समुदाय लक्षित तालिम आजदेखि सुरु भएको हो ।
जागृति बाल तथा युवा सरोकार नेपालले किशोरी शसक्तिकरण कार्यक्रम अन्तर्गत नगर भित्रका ३५ जना किशोरीहरुलाई आत्म सुरक्षा को प्रशिक्षण दिएर अभियान सुरु गरिएको संस्थाका महासचिव दिपक शर्माले बताए ।
सोही अभियानअनुसार आज कावासोती ८ मा रहेको ज्ञानोदय माविमा तालिम संचालन गरिएको हो । विद्यालयका छात्रा विद्यार्थीका लागि आफ्नै साथीहरूले आत्म सुरक्षा तालिम सिकाएको देख्दा खुसी लागेको र यसलाई निरन्तर रूपमा सञ्चालन गर्नको लागी विद्यालयको तर्फबाट सहयोग गर्ने प्रधानाध्यापक चेतनाथ अधिकारीले बताए ।
बालबालिका संग सम्बन्धित समस्याहरू समाधान गर्नको लागि स्वयम् आफ्नै उमेर भित्रका साथीहरूले सिकाउँदा प्रभावकारी हुने र उनीहरूको क्षमता अभिवृद्धि समेत हुने उनको भनाई थियो । आज ५० जना विद्यार्थीहरूको सहभागीता रहेको र उनीहरुलाई हिंसा, दुर्व्यवहार र शोषण विरुद्ध लड्नको लागि विभिन्न स्टेपहरु सिकायाइएको शर्माले बताए ।
आत्म सुरक्षाका सीपहरु अन्तिम परेपछि मात्र प्रयोग गर्नुपर्ने र आफू सुरक्षित हुनको लागि गरिने भएकाले यसले अरूलाई हानी पुर्याउन नहुनेमा सहजकर्ता आशिका पोख्रेलको जोड थियो ।
धेरैले आत्म सुरक्षा तालिम भन्ने बितिकै शारीरिक अभ्यास बुझेको तर यो मानसिक रूपमा समेत तयारी र अन्य विविध विषयहरु हिंसा, दुर्व्यवहार, असमानताबारे बताइने र नेपालको संविधान र कानुनले गरेको व्यवस्थाहरूको बारेमा जानकारी समेत दिने गरिन्छ ।
किशोरीहरु आफैले तालिमहरु लिने र दिने काम नियमित रूपमा सञ्चालन गर्न सके हिंसा विरुद्धको अभियान सफल हुने शिक्षक यवम साहित्यकार टिका सापकोटाको भनाई थियो ।
किशोरी अभियन्ता आशिका पोख्रेल र दिया लम्सालले तालिममा सहजीकरण गरेका थिए ।
