गैंडाकोट । नवलपुरकाे गैंडाकोटका सुकुम्बासीले पहिला लालपुर्जा लिएरमात्रै आगामी चुनावमा भाेट हाल्ने बताएका छन् । नेताहरुले सुकुम्बासीलाई लालपुर्जा दिने भन्दै पटक पटक आश्वासन दिंदै भाेटबैंकको रुपमा मात्रै प्रयाेग गरेकाे उनीहरुकाे भनाइ थियाे। चर्काे नाराबाजी सहित लालपुर्जा दिन माग गर्दै गैंडाकोटमा आज बृहत प्रदर्शन गरेका थिए ।
पहिला लालपुर्जा अनि वल्ल भाेट, भूमि पाउने आशमा वित्याे जीवन दासमा,सुकुम्बासीकाे घर जलाउछाै कसरी सरकार चलाउछाै,स्थानीय सरकार हाम्रो माग पूरा गर, खेती याेग्य जमिन किसानलाई लगायतका नारा लेखिएका प्लेकार्ड सहित नारावाजी गर्दै नगरपालिका सम्म प्रदर्शन गरेका थिए ।
प्रदशनमा सहभागी डाेलबहादुर परियारले भरतपुर महानगर र कावासाेतीले लालपुर्जा दिनकाे लागि निस्सा दिन थाली सक्दापनि गैडाकाेटले कुनै पहल नगरेकाे भन्दै आक्राेस ब्यक्त गरे ।
लालपुर्जा नहुदाकाे पीडा एकपटक सत्तामा बसेकाहरुले बुझिदिनुपर्ने र तत्काल राताे लालपुर्जा दिन माग गरे।
करिब एक हजार जना सहभागी भएकाे र्यालि नगरपालिकामा गएर काेणसभामा परिणत भएकाे थियाे ।
सुकुम्बासीहरुले दिएकाे ज्ञापन पत्र बुझे पछि गैडाकने नगरपालिकाका नगर प्रमुख छत्रराज पाैडेलले नगरपालिकाले भुमपहिन सुकुम्बासीकाे तथ्यांक संकलन गरिसकेकाे तर जिल्ला भुमि आयाेगनै नभएपछि समस्या भएकाे बताए। भुमिहिन लाई भुमि दिन आफूहरु तम्तयार भएर बसेकाे उनकाे दाबी थियाे ।
