चितवन । चितवनको भरतपुरमा बलेरो बल्टिदा १० जना घाइते भएका छन् । जिल्ला प्रहरी कार्यालय चितवनका अनुसार उक्त बलेरोमा १३ जना सवार थिए ।
आज विहान भरतपुर महानगरपालिका ५ तोरीखेतमा प्रेमबस्तीबाट भरतपुर तर्फ आई रहेको प्राईम केबलको ग३च ७२७० नम्बरको बलेरो गाडीले कुकुरलाई ठक्कर दिई आफै अनियन्त्रित भई पल्टिएको हो । बलेरोमा सवार चालक सहित १३ जना मध्ये १० जना सामान्य घाईते भई नयां मेडिकल कलेज भरतपुरमा उपचार भई रहेको प्रहरीले जनाएको छ। सवारी साधन नियन्त्रणमा रहेको छ भने चालकको उपचार भइरहेको छ । चालकसहित घाइते हुनेहरुमा स्याङ्जा जिल्ला बिरुवा गाउँपालिका ३ बस्ने बर्ष ३७ का तुम बहादुर राना, पर्वत कुस्मा १४ बस्ने बर्ष २२ को दिनेश क्षेत्री, बर्ष २४ का बिशाल बि.क. गुल्मी सत्यवती गाउँपालिका ६ बस्ने बर्ष २२ कासरोज भण्डारी, पर्वत कुस्मा ८ बस्ने बर्ष १८ का सुन्दर बि.क.,बर्ष २६ का बिशाल गुरुङ,बर्ष २१ का अशोक क्षेत्री, बर्ष २० का सुनिल सुना, बर्ष २१ का कृष्ण बहादुर बि.क. र स्याङजा बिरुवा गाउँपालिका ३ बस्ने बर्ष २६ का धिरज सारु मगर छन् ।
चिकित्सकका अनुसार सवैको अवस्था सामान्य रहेको चितवन प्रहरीले जनाएको छ ।
