चितवन । चितवनको इच्छाकामना गाउँपालिका २ रमाइलोडाँडामा भएको मोटरसाइकल दुर्घटना ट्यांकरसँग ठोक्किएर भएको भन्दै प्रहरीले चालकलाई नियन्त्रणमा लिएको छ । प्रहरीले यस अघि अनियन्त्रित भई मोटरसाइकल दुर्घटना हुँदा तीन जनाको मृत्यु भएको र थप अनुसन्धान भइरहेको बताएको थियो ।
तर अनुसन्धानका क्रममा ना १ क ८१०८ नम्बरको ट्यांकरसंग ठक्कर खाई दुर्घट्ना भएको बुझिन आएकोले उक्त ट्यांकर र चालक रत्ननगर न पा ११ बस्ने वर्ष ४६ को सन्तराम दराईलाई नियन्त्रणमा लिइएको चितवन प्रहरीका प्रवक्ता डिएसपी अधिकारीले जानकारी दिए ।
फागुन २७ गते बेलुक िपाँच बजेतिर ईच्छाकानमा २ रमाईलो डाँडा स्थित भित्री सडक खण्डमा प्रदेश २–०३–००२ प ५९८६ नम्बरको मोटरसाइकल सडकबाट करिव ४ सय मिटर तल खसेको थियो ।
दुर्घटनामा परी मोटरसाइकल चालक ईच्छाकामना २ बस्ने ३४ वर्षीय नविन गुरुङ,पछाडी सवार वडानम्वर ३ बस्ने ३० कि तृकि भन्ने प्रतिभा गुरुङ र प्रतिभा गुरुङ्को छोरा ५ वर्षीय आरोन गुरुङको घटनास्थलमै मृत्यु भएको थियो ।
