चितवन । चितवनको कालिका नगरपालिका ३ का वडाअध्यक्षलाई कालोमोसो दलेका दुई युवालाई प्रहरीले नियन्त्रणमा लिएको छ ।
फागुन २३ गते वडा अध्यक्ष टिकाराज रिजालको कार्यकक्षमै युवाहरुले दुरव्यवहार गरेका थिए ।

६÷७ जनाको समुहमा रहेका ब्यक्तिहरु प्रबेश गरी उनीहरुले वडा अध्यक्ष रिजालको अनुहार तथा शरिरमा कालोमोसो दलेर कार्यकक्षबाटै लछार(पछार तथा दुर्ब्यबहार गरी ढोकामा ल्याई जुत्ताको माला लगाउन प्रयास गरी फरार भएको प्रहरीले जनाएको छ ।

सो घटनाको अनुसन्धानमा खटिएका प्रहरी टोलीले घटनामा संलग्न रहेका मध्येका राप्ती नगरपालिका ४ भण्डारा घर हुने बर्ष ३७ का गुणराज श्रेष्ठ र वर्ष ३७ का सागर राईलाई मकवानपुर उपमहानगरपालिका ३ राईटोलमा लुकिछिपी बसेको अबस्थामा हिजो पक्राउ गरी थप अनुसन्धान कार्य भईरहेको चितवन प्रहरीका प्रवक्ता डिएसपी नरहरी अधिकारीले जानकारी दिए ।