भरतपुर, २८ फागुन ।
पत्रकार विप्लव काफ्ले आर्थिक पत्रकारिता पुरस्कारबाट पुरस्कृत भएका छन् । उद्योग वाणिज्य संघ चितवनले काफ्लेलाई पुरस्कार प्रदान गरेको हो । उद्योग वाणिज्य महासंघका बरिष्ठ उपाध्यक्ष चन्द्रप्रसाद ढकालले पुरस्कारको चेक हस्तान्तरण गरेका हुन्। पुरस्कार राशी ५१ हजार रहेको छ । संघले हरेक २ वर्षमा चितवनबाट आर्थिक विषयका समाचार लेख्दै आएका पत्रकारहरुलाई पत्रकारिता पुरस्कार प्रदान गर्दै आइरहेको छ । पत्रकार काफ्ले २०६५ सालदेखि पत्रकारितामा क्रियाशिल छन् । रेडियो, टेलिभिजन, पत्रिका, अनलाइनमा उहाँ संवाददाता तथा समाचार संयोजकको भूमिकामा सक्रिय छन् । हाल उहाँ कालिका एफएमको न्यूज इन्चार्ज, कारोबार दैनिकको चितवन संवाददाता हुन्। उनी नेपाल पत्रकार महासंघ चितवनको कार्यसमिति सदस्य, नेपाल प्रेस युनियन चितवनको कोषाध्यक्ष समेत हुन् । माडी–१ का स्थायी बासिन्दा काफ्ले हाल भरतपुरलाई कार्यक्षेत्र बनाएर पत्रकारितामा सक्रिय छन् । उनले चितवनका आर्थिक तथा विकास, समृद्धिबारे समाचारहरु लेख्दै आईरहेका छन् ।
त्यस्तै उत्कृष्ट युवा उद्यमी पुरस्कार कृष्ण सापकोटालाई प्रदान गरिएको छ ।
१ लाख राशिकाे पुरस्कार सापकोटालाई प्रदान गरिएको हाे । हरेक दुई वर्षमा याे पुरस्कार प्रदान गरिदै आएकाे छ।  उनी मालिका हस्पिटालिटीका प्राेपाइटर हुन् ।