चितवन । चितवनका सुनिल क्षेत्री राप्रपा नेपालको केन्द्रीय सहायक महामन्त्री पदमा मनोनित भएका छन् । उनलाई अध्यक्ष कमल थापाले मनोनित गरेका हुन् ।
मृगौला पीडित असाय संरक्षण केन्द्रका संरक्षक एवम् अध्यक्ष ,युवा समाजसेवी तथा ब्याबसायी समेत रहेका क्षेत्रीलाई आजनै मनोनित भएको पत्र प्राप्त थापाले प्रदान गरेका थिए ।
पत्रमा अध्यक्ष थापाले भनेका छन्,‘पार्टीको सिद्धान्त र नीतिप्रति प्रतिवद्ध भई पार्टीको वृहत्तर हितमा कार्य गर्नुहुनेछ भन्ने विश्वास लिएको छु । ’
समाजसेवी क्षत्रीले अशक्त असाहायहरुलाई सहयोग गर्दै आएका छन् । उनले कालिका नगरपालिकाका स्थानीयलाई कोरोनाका समय ह्वीलचेयर तथा खाद्यान्न सहयोग गर्नुका साथै विभिन्न मृगौला पीडितहरुलाई नगद सहयोग समेत गरेका थिए ।
क्षेत्रीले सहायक महामन्त्रीमा रहेर संगठन बलियो बनाउदै जनताप्रति पार्टीको विश्वास बढाउदै लैजाने बताए । साथै उक्त पदमा मनोनित गरेकोमा पार्टी अध्यक्षलाई धन्यवाद समेत दिएका छन् ।
