बिबेक भण्डारी ,नवलपुर । चौधरी उद्योग ग्रामले २ हजार मजादुरको स्वास्थ्य परिक्षणका लागि शिविर संञ्चालन गरेको छ । नवलपुरको दुम्कौलीमा रहेको चौधरी ग्राममा कार्यरत मजदुरहरुका लागि स्वास्थ्य परिक्षण शिविर शुक्रवार एक कार्यक्रमको अयोजना गरि उद्घाटन गरेको छ ।
आफ्ना मजदुरहरुमा स्वास्थ्य अवस्था जानकारी लिने र उनीहरुको स्वास्थ्यमा ध्यान दिन शिविर आयोजना गरेको हो । उद्योगका महाप्रबन्धक खड्ग पौडेलका अनुसार उद्योगका मजदुरहरु स्वस्थ्य रहे उद्योगको गुणस्तर पनि स्वास्थ्य रहने हुदा मजदुरहरुको स्वास्थ्य अवस्था परिक्षण आवस्यक रहेकै कारण शिविर संञ्चालन गरेको जानकारी दिए ।
स्वास्थ्य शिविर संगै उद्योगले गुणस्तर सम्बन्धि कार्यक्रम गर्ने उनले बताए । उद्योगले आफुहरुको स्वास्थ्य परिक्षणका लागि वरिष्ठ चिकित्सकको टोली ल्याएर स्वास्थ्य शिविर गरेको भन्दै मजदुर पनि हर्षित भएका थिए । विशेष गरि स्त्री तथा प्रजनन् स्वास्थ्य परिक्षण गरिएकोमा महिलाहरु खुशी भएका थिए । रोजगारका कारण स्वास्थ्य परिक्षण गराउन समय नहुने भन्दै उद्योगले नै उद्योग परिसरमा स्वास्थ्य शिविर ल्याएको खुशी व्यक्त गरेका थिए । उद्योगले स्त्री तथा प्रजनन् सम्बन्धि मात्र नभएर आखाँ सम्बन्धि परिक्षण पनि गरेको थियो ।
उद्योगले आगामि दिनमा पनि यस्ता कार्यक्रम आयोजना गरे मजदुहरुलाई राहत हुने सोहि चौधरी उद्योगमा कार्यरत एक मजदुर बताउछन । उद्योगका जनस्वास्थ्य अधिकृत सागर बस्ताकोटीका अनुसार उद्योगमा कार्यरत मजदुरहरुका लागि दुई चरण दिवा र रात्री सिफ्टलाई मिलाएर स्वास्थ्य परिक्षण गराएको बताए ।
उक्त शिविरमा भरतपुरमा रहेको पुरानो मेडिकल कलेजका सिनियर म्यानेजर दुर्गा न्यौपाने, वरिष्ठ स्त्री तथा प्रसुती रोग विशेषज्ञ डा. बुद्धिकुमार श्रेष्ठ , गाइनकोलोजी विभाग प्रमुख डा. रसिक न्यौपाने, ओपीडि इन्चार्ज प्रविन उपाध्याय लगाएको सहभागिता रहेको उद्योगका रामचन्द्र धितालले जानकारी दिए ।
पुरानो मेडिकल कलेज भरतपुरको प्राविधिक सहयोग रहेको थियो । चौधरी उद्योगमा २ हजार बढि कार्यरत छन । उद्योगले चाउचाउ,चकलेट,वियर लगायतका वस्तुहरु उत्पादन गर्दे आएको छ ।
