चितवन । चितवनमा नदीजन्य पदार्थको व्यापक चोरी निकासी भएको पाईएको छ ।

स्थानीय तहहरुले टेण्डर नगरेपनि नदीजन्य पदार्थ निकासी नरोकीएको हो । उक्त कार्यमा संलग्न २० वटा सवारी साधनलाई प्रहरीले नियन्त्रणमा लिएको छ ।

जिल्ला प्रहरी कार्यालय, चितवनबाट खटिएको प्रहरी टोलीले ईच्छकामना गाउपालिका ७ भालुमारामा बिहान ०५:३० बजेको समयमा नदिजन्य पदार्थको उत्खनन तथा ओसार पोसार गरिरहेको अबस्थामा ४ वटा जेसिबी, लोड गरिसकेका १० वटा टिपर र ६ वटा ट्रयाक्टर गरी २० वटा सवारी साधनलाई नियन्त्रणमा लिएको हो ।

आबश्यक कार्बाहीको लागी जिल्ला समन्वय समितिको कार्यालय,भरतपुरमा बुझाईएको चितवन प्रहरीका प्रवक्ता नरहरि अधिकारीले जानकारी दिए ।