गैँडाकोट । नवलपुर जिल्लाको गैँडाकोटमा ट्रकले ठक्कर दिँदा एक जना स्थानीयको मृत्यु भएको छ । ठक्कर दिएर चालक फरार रहेको प्रहरी प्रवक्ता दिलीप गिरीले जानकारी दिए ।ना ३ ख ९३७ नम्बरको ट्रकले ठक्कर दिएको उनको भनाई छ।
करिव बेलुकी पाँच बजेतिर गैँडाकोट ६ स्थित नगरपालिकाको फोहोर फाल्ने डम्पीङ साइट तर्फ सो दुर्घटना भएको प्रहरीले जनाएको छ ।

इलाका प्रहरी कार्यालय गैँडाकोटका अनुसार मृत्यु हुनेमा गैँडाकोट ६ का वर्ष अन्दाजी २६/२७ वर्षीय अर्जुन बोटे रहेका छन् ।
प्रहरीका अनुसार गम्भीर घाइते उनको उपचारको क्रममा भरतपुर अस्पतालमा मृत्यु भएको चिकित्सकले जनाएको प्रहरीको भनाई छ । अन्य अनुसन्धानको काम जारी रहेको छ ।