गैँडाकोट । नेपाली काँग्रेसको भातृ संगठन नेपाल भूतपूर्व सैनिक संघको गैँडाकोट नगर कार्यसमिति गठन गरिएको छ । नेपाली काँगे्रसको पार्टी कार्यालयमा आज बसेको प्रारम्भिक नगर भेलाले बेदबन्दु रेग्मीको सभापतित्वमा १५ सदस्यीय तदर्थ समिति चयन गरेको हो ।
समितिको उपसभापतिमा दिलीप शर्मा,सचिवमा हर्क बहादुर भुजेल,सह–सचिवमा तर्क बहादुर थापा, कोषाध्यक्षमा सिता सिँह रहेका छन् ।
समितिको सदस्यहरुमा डोरप्रसाद श्रेष्ठ, गीता क्षेत्री, तेजेन्द्र बहादुर खत्री, गोविन्द वहादुर थापा क्षेत्री, तोया गैरे, खड्क बहादुर क्षेत्री,कृष्ण विलास अधिकारी, राम प्रसाद कडेँल र वेद वहादुर खत्री रहेका छन् ।
नेपाली काँग्रेस गैँडाकोट नगर सभापति बद्री सापकोटाको प्रमुख आतिथ्यतामा भएको कार्यक्रममा काँग्रेस जिल्ला उपसभापति गणेश बहादुर मल्ल ठकुरी, नगर उपसभापति रोशनभक्त अधिकारी लगायतको उपस्थिती थियो।
कार्यक्रमको सहजीकरण हर्कबहादुर भुजेलले गरेका थिए ।
