चितवन । नेपाली काँग्रेसको १४औँ महाधिवेशनबाट चर्चित जनप्रतिनिधि गीता कुमारी गुरुङ र चर्चित समाजसेवी मिना कुमारी खरेल महासमिति सदस्यमा निर्वाचित भएका छन् ।
१४औँ महाधिवेशनमा भएको मतदानपछिको गणनामा गुरुङ, खरेल सहित गौरी श्रेष्ठ र ऋषि खनाल पनि निर्वाचित भएका छन् ।
चारमध्ये सर्वाधिक मत गुरुङको रहेको छ । गुरुङले ५४८ मत प्राप्त गरिन् भने खरेलले ५१८, गौरी कुमारी श्रेष्ठले ४५५ र ऋषि खनालले ३९९ मत प्राप्त गरेका छन् ।खुल्ला महिला २ जनाका लागि गीता गुरुङ, मीना खरेल र बिनु रायमाझी पौडेल चुनावी प्रतिस्पर्धामा थिए । जसमध्ये गुरुङ र खरेल निर्वाचित भएको निर्वाचन समितिका सदस्य श्रीराम सापकोटाले जानकारी दिए । महासमिति सदस्यमै खसआर्य खुल्ला तर्फ ऋषि खनाल निर्वाचित भएका छन् । उनले रामशरण कुवँरलाई पराजित गरेका हुन् । यस्तै आदिवासी जनजाति महिलातर्फ गौरीकुमारी श्रेष्ठ निर्वाचित भएकी छन् । उनले इन्द्रमाया लामालाई पराजित गरिन् ।
राजनीति र महिला अधिकारको क्षेत्रमा आफ्नो ब्याक्तिगत जिवन भन्दा माथि उठेर जनता र पीडितको सेवामा अहोरात्र खटिएका व्यक्तिहरुले सम्मानजनक मत पाउँदै विजयी हुन सफल भएको भन्दै बधाई दिइएको छ ।
चार जनानै नेपाली काँग्रेस क्षेत्रनम्वर २ बाट महासमिति सदस्यमा निर्वाचित भएका हुन् । अन्य प्रतिस्पर्धी राम शरण कुँवर ३९२ मत,इन्द्रमाया लामा ३५६ र विनु रायमाझिले ३४५ मत प्राप्त गरेका थिए ।
