गायक नवीन के. भट्टराईको नयाँ गीत सार्वजनिक भएको छ । गायक भट्टराईको १६ औ सङ्ग्रह “३७” मा सङ्ग्रहित पहिलो गीत “जाऊ तिमी…” बिहीबार युट्युबमा सार्वजनिक गरिएको हो । सङ्ग्रह “३७” न्यु एज म्युजिक ले बजारमा ल्याएको हो ।
२००३ देखि सुरु भएको न्यु एज म्युजिक ले यस अघि पनि थुप्रै चर्चित गायक गायिका हरू को सङ्ग्रह बजारमा निकाली सकेको छ। सार्वजनिक गीत मा सुयश भट्टराई को शब्द रहेको छ भने गायक स्वयं कै सङ्गीत रहेको छ । साइकाडेलिक रक जनराको गीतको सङ्गीत संयोजन विशाल पौडेल ले गरेका हुन् ।
फुर्सद टिभी नेपाल नामक नयाँ युट्युब च्यानलबाट सार्वजनिक गरिएको गीतको भिडियोलाइ केली प्रोडक्सन अन्तर्गत नूप गिरि ले बनाएका हुन् । भने छायाङ्कन अमेरिकामा गरिएको छ ।आफ्नो अन्य गीत र भिडियो जस्तै दर्शक तथा श्रोता ले यो गीत पनि मन पराउने आशा नवीन ले गरेका छन् । साथै विश्वभरि महामारीका रूपमा फैलिँदै गएको कोरोना भाइरसले आक्रान्त बनिरहेको अहिलेको अवस्थामा घर मै बसेर सावधानी अपनाउन पनि नवीनले आग्रह गरेका छन् ।
