चितवन । हिजोदेखि सुरु भएको  नेपाली कांग्रेस चितवनको अधिवेशनमा आज मतदान जारी छ । नयाँ नेतृत्व चयन गर्न अहिले विहानदेखि मतदानको कार्य सुरु भएर जारी छ ।

नारायणी कला मन्दिरमा जारी १४ औँ जिल्ला अधिवेशनमा सभापतिका लागिपार्टीको संस्थापन समूहबाट सभापति शेरबहादुर देउवा निकटका मिलनबाबु श्रेष्ठ र संस्थापनइतर पक्षबाट चार जनाको उम्मेदवारी दर्ता भएको हो । संस्थापन इतरबाट डा.सूर्यकान्त घिमिरे, राजेश्वर खनाल, उत्तम जोशी र कैलाश कोइरालाले उम्मेदवारी दर्ता गरेका छन्।

जिल्ला निर्वाचन समिति संयोजक अधिवक्ता ज्ञानेन्द्र प्रसाद अधिकारीका अनुसार एक जना सभापतिका लागि पांच जनाले उमेदवारी दिएका हुन् ।