मिना कंडेल, नवलपुर । खाद्यन्न वितरण गर्दै नेपाल पत्रकार महासंघ नवलपुरले आज तेस्रो स्थापना दिवस मनाएको छ । २०७५ साल फागुन १८ गते स्थापना भएको शाखाले आफ्नो तेस्रो स्थापना दिवसको अवसरमा कावासोती ८ मा रहेको मौलाकालीका अपाङ्ग सेवा संस्थालाई खाद्यान्न सहयोग गरेको हो ।
स्थापना दिवसका अवसरमा शुभकामना दिँदै नेपाल पत्रकार महासंघ नवलपुरका अध्यक्ष विरेन्द्र पराजुलीले श्रमजीबीको मुद्दामा महासंघ सधैँ एक भएर अघि बढिरहने बताए । चाँडै महासंघको भवन निर्माण गर्न लागिरहेको जानकारी दिए ।
कार्यक्रममा नेपाल पत्रकार महासंघ गण्डकी प्रदेशका सदस्य रमेश बस्ताकोटिले स्थापना दिवसको दिन अपाड. सेव संस्थामा खाद्यान्न वितरण कार्यक्रमले समाजमा सकरात्मक सन्देश जाने बताए । पत्रकार महासंघ सवैको छाता संगठन भएकाले पत्रकारको हक हितका लागि सधै लाग्नुपर्नेमा जोड दिए ।
कार्यक्रममा नेपाल पत्रकार महासंघ जिल्ला उपाध्यक्ष नविन पौडेलले रचनात्मक र क्षमता अभिवृद्धिमा पत्रकार महासंघले कार्य गर्द आएको र आगामि दिनमा पनि राम्रा कार्यलाई निरन्तरता दिने बताए ।
कार्यक्रममा जिल्लामा कृयाशिल पत्रकारहरुको उपस्थिति रहेको थियो । यस अघि महासघ नवलपुर शाखाले लक्ष्मीनारायण बृद्धाश्रम पिठौलीमा फलफूल वितरण गरि दोस्रो स्थापना दिवस मनाएको थियो । कार्यक्रमको नेपाल पत्रकार महासंघका सचिव विष्णु गौडेलले सहजिकरण गरेका थिए ।
