गैँडाकोट । गैँडाकोट नगरपालिकाका नगरप्रमुख छत्रराज पौडेललाई नेकपा एमाले स्थानीय विभाग प्रमुखकको जिम्मेवारी दिइएको छ ।
नवलपुरका लोकप्रिय मानिने नेता पौडेललाई सो जिम्मेवारी दिइएको गैँडाकोट ५ का वडाअध्यक्ष नवराज कडेँलले जानकारी दिए ।साथै पौडेललाई नै नेकपा एमाले गैँडाकोटको इन्चार्ज समेत तोकिएको छ । कडेँलका अनुसार दुवै जिम्मेवारी पौडेललाइ दिइएको हो ।
आज बसेको नेकपा एमाले नवलपुरको बैठकले जिल्ला सदस्य समेत रहेका पौडेललाई स्थानीय विभाग प्रमुखको जिम्मा दिइएको हो ।
साथै तेजेन्द्र प्रसाद सापकोटा र शिवहरि पौडेललाई नेकपा एमाले गैँडाकोटको सह इन्चार्जको जिम्मा दिइएको कडेँलले जानकारी दिए ।
त्यस्तै गैडाकोटकी युवा समाजसेवी भुमा पुन मगरलाई नेकपा एमाले गैडाकोट वाड नंम्बर ५ को ईन्चाजमा चयन गरिएको छ।
त्यस्तै रेडियो सामथ्र्यका म्यानेजर सागर पोखरेल नेकपा एमाले नवलपुरको प्रचार बिभाग प्रमुखमा र राजेश सोनाम प्रचार बिभाग उप प्रमुख तथा एमाले निकट जनबर्गीय संगठन मुक्ती समाज नेपालको नवलपुर जिल्ला ईन्चार्जमा मनोनित भएका छन् ।
