चितवन । जिल्ला प्रहरी कार्यालय चितवनले तास खेल्ने र खेलाउने दुवैलाई पक्राउ गरेको छ ।

शनिवार करिव ४ बजे खैरहनी नगरपालिका ७ सुर्तेनीमा हार जित हुने गरी जुवा तास खेलिरहेको सुचनाका आधारमा खटिएको प्रहरी टोलीले नगद छयात्तर हजार आठसय बिस रुपैया र ३ बुक तास सहित ५ जनालाई पक्राउ गरी थप अनुसन्धान कार्य भईरहेको प्रवक्ता नरहरि अधिकारीले जानकारी दिए ।

उनका अनुसार पक्राउ पर्नेहरुमा खैरहनी ८ बस्ने बर्ष ४४ को प्रेम प्रसाद महतो, खैरहनी ६ बस्ने बर्ष ४९ को शुसिल रिजाल,बर्ष ३४ को दिपक महर्जन,बर्ष ४७ को निल बहादुर पुन र बर्ष ३३ को दामोदर बस्नेत रहेका छन् ।