गैंडाकोट । गैंडाकोट २ काे सुर्यभक्त पतना देवि मेमोरियल कलेजकाे आयाेजनामा आजदेखि अन्तर मा.बि स्तरीय छात्र भलिबल प्रतियोगिता सुरु भएको छ।
खेल संयोजक एबम शिक्षा संकाय प्रमुख माधव प्रसाद सिग्देलका अनुसार प्रतियोगितामा १४ टिमले सहभागीता जनाउनेछन् ।
आज एक औपचारिक कार्यक्रमका बीच सुरु भएकाे खेलमा आदिकवी भानु मा .वि र जनता मा.बि बिजय भएका छन् ।
आदिकवी भानु मा.बि चितवन ले एसपीएम टिम ए लाई पराजित गरि दोस्रो चरणमा प्रवेश गरेको हो भने जनता मा . बि हर्कपुरले बिश्वप्रकाश मा.बि चितवन लाई पराजित गरेको खेल संयोजक माधव प्रसाद सिग्देलले जानकारी दिए ।
उद्घाटन कार्यक्रमका प्रमुख अतिथी गैंडाकोट नगरपालिका वडा नम्बर २ का वडा अध्यक्ष धुव्रराम पौडेलले एसपीएम कलेजले प्रतियोगिता आयोजना गरि शैक्षिक क्षेत्रमा छुट्टै पहिचान दिन सफल भएकाे बताए। खेलले अनुशासन संगै आत्मियता र एकताकाे सन्देश दिने भन्दै विद्यार्थीकाे प्रतिभा प्रष्फुटनमा समेत सहयाेग मिल्ने उनकाे भनाइ थियाे ।
शिवरात्रीको अवसरमा आयोजित मा.बि स्तरीय भलिबल प्रतियोगितामा प्रथम हुने विद्यालयलाई नगद १५ हजार,शिल्ड मेडल र प्रमाण पत्र, दोस्रो हुने विद्यालयलाई नगद ८ हजार, शिल्ड मेडल र प्रमाण पत्र प्रदान गरिने कलेज प्रमुख दिपेन्द्र पौडेलले जानकारी दिए । औपचारिक कार्यक्रम कलेज व्यवस्थापन अध्यक्ष महेन्द्रभक्त अधिकारीको अध्यक्षता सम्पन्न भएको थियो ।
भाेलि पाँच खेल हुनेछ । पहिलाे खेल जनक नमूना मा बि र लक्ष्मी मा .बि अमारापुरी, दोस्रो खेल गैंडाकोट नमूना मा.बि र बिजय सामुदायिक शिक्षा सदन, तेस्रो खेल वालकुमारी कन्या मा.बि चितवन र अर्विट मा. बि चितवन, चौथो खेल अर्क्सफोट कलेज र आदिकवि भानु मा. बि, पाँचौ खेल एस.पि एम कलेज वी र बालबिकास मा.बि बीच खेल हुने खेल संयोजक माधव प्रसाद सिग्देलले जानकारी दिए । खेल राष्ट्रिय रेफ्री गजेन्द्र वनले खेलाएका हुन् ।
