चितवन । माघ महिनाको उत्कृष्ट प्रहरीबाट इलाका प्रहरी कार्यालय रत्ननगर टाँडीका प्रहरी निरीक्षक प्रकाश शाह पुरस्कृत भएका छन् । जिल्ला प्रहरी कार्यालय चितवनले उनलाई उत्कृष्ट प्रहरीबाट पुरस्कृत गरेको प्रहरी उपरीक्षक नवराज अधिकारीले जानकारी दिए।
शाहले अपराध नियन्त्रण तथा अनुसन्धानको क्रममा विभिन्न मितिमा जवरजस्ती करणी गरी फरार भएका प्रतिवादीहरुलाई पक्राउ गरी कानूनी दायरामा ल्याउन सक्रिय भुमिका निर्वाह गरेको, अवैध नदीजन्य पदार्थ उत्खनन तथा लागु औषध ओसार पसार नियन्त्रण न्यूनिकरणको लागि अहम भूमिका निभाएको, आफुलाई सुम्पिएको जिम्मेवारी गर्न कर्तव्य पालनामा अहोरात्र खटेर लगनशील, ईमान्दार र अनुशासित भइ कुशलतापूर्वक प्रशंसनीय एवं उत्कृष्ट ढंगबाट कार्य सम्पादन गर्दै विभिन्न अपराधिक घटनाहरुको गहन रुपमा अनुसन्धान गरी प्रतिवादीहरुलाई कानून बमोजिमको सजाय दिलाउने कार्यमा विशेष योगदान पुऱ्याएकोले पुरस्कृत गरिएको उनको भनाई छ ।
उनलाई पुरस्कृत गरिदा अन्य प्रहरी कर्मचारी समेतलाई प्रोत्साहित गर्न सहयोग पुग्ने बताइएको छ ।
