चितवन । भन्सार छलेर ल्याएको ३ करोड बढीका सामान चितवनमा बरामद भएको छ । चितवन प्रहरीले ठूलो परिमाणका सामान बरामद गरेर मानिसहरुलाई नियन्त्रणमा लिएको सूचना अधिकारी डिएसपी नरहरी अधिकारीले जानकारी दिए ।
उनका अनुसार फागुन ११ गते साँझपख बीरगंजबाट हिडेको बिभिन्न ट्रकहरुमा भन्सार छली चोरी पैठारी गरेको कपडाहरु ल्याएको सूचना पाएपछि प्रहरीले निगरानी गरेको थियो । प्रहरीले जिल्लाको खैरहनी नगरपालिका ८ पर्सा बजारमा सवारी साधनहरु चेकजाँच गर्ने तथा चितवन जिल्ला र मकवानपुर जिल्लाको सिमाना लोथर बजार समेतमा निगरानी गरेपछि आज बिहान ना ६ ख ११३, ना ६ ख ११६६, ना ६ ख ५०६१ र ना ७ ख ९२३४ नम्बरको ट्रकहरुमा ती सामानहरु ल्याइएको थियो ।
प्रहरीले ना ६ ख ५०६१ नं।को ट्रक चालक चितवन राप्ती नगरपालिका ४ बस्ने बर्ष २७ का सुकमान गोले, ना ६ ख ११३ को ट्रक चालक राप्ती ४ बस्ने बर्ष ३९ को बिर बहादुर खुलाल तामाङ, ना ६ ख ११६६ को ट्रक चालक बर्ष ३३ को निर बहादुर लामा, ना ७ ख ९२३४ को राप्ती ५ बस्ने बर्ष २६ को दिपक चौलागाईलाइ नियन्त्रणमा लिएको छ ।
प्रहरीले ना ६ ख ५०६१ को ट्रकमा २५ पोका, ना ६ ख ११३ को ट्रकमा २१ पोका, ना ६ ख ११६६ को ट्रकमा १ पोका र ना ७ ख ९२३४ ट्रकमा ३१ पोका गरी जम्मा ८७ पोकामा लत्ताकपडाहरु बरामद गरेको छ । त्यस्तै फलामको छड एक ट्रकमा २१ टनका दरले जम्मा ८४ टन समेत बराम भएको प्रहरीले जनाएको छ।
बरामद गरिएका साना ठुला ८७ पोका कपडाको अनुमानित मुल्य १ करोड ४५ लाख ६७ हजार दुईसय रुपैया ,फलामे छडको ८८ लाख ३७ हजार तिन सय बाह्र रुपैया र ४ बटा ट्रकको मूल्य एक करोड १५ लाख रुपैया गरी जम्मा ३ करोड ४९ लाख ८२ हजार पाँचसय बाह्र रुपैया बरावरको बरामद गरिएको हो ।
थप अनुसन्धान तथा कार्बाहीको लागी भन्सार कार्यालय बिरगञ्ज पर्सा पठाउने चितवन प्रहरीले जनाएको छ ।
