चितवन । शहरी विकास मन्त्री रामकुमारी झाँक्रीले अहिलेके मन्त्री पदमा भन्दा तत्कालिन एमालेमा बढी खुसी भएको बताएकी छिन् ।
नेकपा एकीकृत समाजवादीकी केन्द्रीय सचिव समेत रहेकी झाँक्रीले पार्टीमा दोहोरो चरित्र देखापर्न खोजेको प्रति असन्तुष्ट जनाउँदै कि सरकारका एजेण्डामा समर्थन गर्न कि बाहिरीन आग्रह गरेकी हुन् ।
सोही प्रंसंगमा बोल्दै मन्त्री झाँक्रीले आफू लोभले मन्त्री नभएको भन्दै विशेष परिस्थितीले यो भूमिकामा रहन परेको बताइन् । उनले भनिन्,“ सरकारमा पनि बस्ने अनि एमसीसीका विरुद्ध सडकमा ढुँगा हान्ने ? यो कस्तो राजनीतिक हो ? कि सरकार छोडेर आन्दोलन गरौँ कि सरकारका एजेण्डामा सहमत जनाऔँ । अन्यथा अनैतिक राजनीति नगरौँ ।”
पार्टीका धेरै नेता कार्यकर्ताले सडक आन्दोलनमा बोलाएको प्रसंग जोड्दै मन्त्री झाँक्रीले झण्डा भएको गाडीमा हिँड्दासम्म त्यसको सम्मान गर्ने बताइन् । जुनदिन मन्त्रीपदबाट हटिन्छ सोही दिनको भोलिपल्ट देखि आन्दोलनमा आउन आफू तयार रहेको बताउँदै अहिले दोधारे चरित्र नदेखाउन पार्टीलाई आग्रह गरेकी छिन् ।
केपी शर्मा ओलीले गठवन्धनबाट एकीकृत समाजवादी र माओवादी हटाए एमसीसीमा मत हाल्छौँ भन्दा पनि जनमत राष्ट्रवादी वनीरहने, अनि आफूहरु सत्तामा बस्ने एमसीसीको विरोध गरेर ढुँगा हान्न जाँदा राष्ट्रवादी भइने यस्तो विरोधाभाषपूर्ण अवस्थामा बस्न भन्दा एउटा निर्णयमा पुग्न उनको आग्रह थियो ।
एमसीसीका वारेमा विरोधाभाषपूर्ण निर्णय गर्नु गलत भएको बताउँदै एमसीसीको पक्षमा जाने की विपक्षीमा भन्नेबारे जिल्लाबाट राय पठाउन आग्रह समेत गरेकी छन् । जिल्लाबाट विचार जानुपर्ने र सोही अनुसार केन्द्रीय कमिटीले निर्णय गरेर सांसदहरुलाई निर्देशन दिने उनको भनाई थियो ।
