चितवन । चितवनमा नाबालिकालाई करणी गरेको आरोपमा एक सरकारी सेवामा रहेका इन्जिनियर पक्राउ परेका छन् । जिल्ला प्रहरी कार्यालयका अनुसार पक्राउ पर्नेमा भरतपुर महानगर २ आँपटारीमा बस्ने ३६ वर्षीय जीवन पौडेल रहेका छन् ।

उनले ६ बर्षिया नाबालिकालाई जबरजस्ती करणी गरेको आरोप छ । स्याङजा घर भई हाल भरतपुर २ मा डेरा गरी बस्ने बर्ष ६ कि नाबालिकालाई पौडेलले जवरजस्ती करणी गरेको सूचना पाएपछि प्रहरीले पक्राउ गरेको प्रहरी नायव उपरीक्षक नरहरि अधिकारीले जानकारी दिए।

फागुन ७ गते जिल्ला अदालतबाट म्याद अनुमती लिई थप अनुसन्धान कार्य भईरहेको अधिकारीले जानकारी दिए ।

नाबालिकाकी आमाले जिल्ला प्रहरी कार्यालय चितवनमा किटानी निवेदन दिएकी छन् । पौडेल भरतपुर महानगरपालिका अन्तर्गत वडा नम्बर २९ मा सवइञ्जिनियर पदमा कार्यरत रहेको बताइएको छ।