गैँडाकोट । हाल अष्ट्रेलियामा रहेका बिक्रम शर्माले नयाँ लोकदोहारी गीत ‘चौतारीमा बरको छायाँ’ बजारमा ल्याएका छन् । विदेशमा रहेरपनि नेपाली गीत संगीतको संरक्षण सम्वद्र्धनमा रुचि राख्ने शर्माले आफ्नो र गायिका अस्मिता डल्लाकोटीको स्वरमा उक्त गीत बजारमा ल्याएका हुन्।

जीवी सुनारको लय शब्दमा सजिएको गीतलाई धेरैले मन पराएको शर्माले बताए । विक्रम शर्मा नामको युटुव च्यानलबाट बजारमा आएको गीत हालसम्म ४३ हजार बढी दर्शकले हेरिसकेका छन् ।

सानै उमेर देखी लोकगीत संगीतमा रमाऊने उनले स्कूल तथा रेडियोहरुमा का विभिन्न कार्यक्रमहरुमा गाएर पुरस्कार समेत जित्ने गर्दथे । ती नै सफलताले गीतसंगीत क्षेत्रमा लाग्न प्रेरणा मिलेको बताए । यो गीतलाई पनि अझ धेरै मन पराइदिन आग्रह सहित कुनै सुझाव सल्लाह भए युटुवमार्फत दिन सकिने उनको भनाई छ ।

हाल आस्ट्रेलियाको राजधानी क्यानबेरामा बसेर पनि बिभिन्न संगितिक कार्यक्रम गरीरहेको उनको भनाई छ । जहाँ गएपनि नेपाली गीत संगीतको संरक्षण प्रचारप्रसारमा आफू निरन्तर लाग्ने बताउने शर्मा वाग्लुङमा जन्मिएका हुन् ।

सुनील क्षत्रीले भिडियो निर्माण गरेका छन् भने मोडलमा सुनील क्षत्री स्वयम् र गीता ढुंगाना रहेका छन् ।

https://www.youtube.com/watch?v=VJHUWjzWaX8