चितवन,माघ २६ । नेकपा एमाले चितवनको अध्यक्षमा रामप्रसाद न्यौपाने सर्वसम्मत चयन भएका छन् । जिल्लाको १० औँ अधिवेशनबाट जिल्ला कमिटी चयन भएको हो । यद्यपी गत पुस २३ गते उद्घाटन भएको अधिवेशनले करिव १ महिना लगाएर जिल्ला कमिटी सर्वसम्मत चयन गरेको हो । जिल्ला
अध्यक्ष बनेका न्यौपाने यसअघि नेकपाको भरतपुर महानगर कमिटी अध्यक्ष थिए । एमालेको अध्यक्षका लागि न्यौपानेसँगै कृष्ण भुर्तेल र तेजेन्द्र खड्काले पनि इच्छा देखाएका थिए
पुस २३ गते उद्घाटन भएको अधिवेशनले टुंग्याएको जिल्ला उपाध्यक्षमा कमलराज पाठक, सचिवमा शैलेश खनाल, सह(सचिवमा चन्द्रकान्त न्यौपाने र प्रकाश ढुंगाना चयन भएका छन् ।
निर्वाचन मण्डलका संयोजक तथा एमाले चितवनका जिल्ला इञ्चार्ज देवी ज्ञवालीका अनुसार एमालले भरतपुर महानगरपालिकाबाट २० पुरुष र १२ महिला, रत्ननगर नगरपालिकाबाट ७ पुरुष र ५ महिला, खैरहनी नगरपालिकाबाट ७ पुरुष र ५ महिला, राप्ती नगरपालिकाबाट ७ पुरुष र ५ महिला, कालिका नगरपालिकाबाट ५ पुरुष र ३ महिला, माडी नगरपालिकाबाट ५ पुरुष र २ महिला तथा इच्छाकामना गाउँपालिकाबाट ३ पुरुष र २ महिला जिल्ला कमिटीमा समेटिएका छन् ।
