चितवन । राष्ट्रिय प्रजातन्त्र पार्टी चितवन क्षेत्र नम्बर २ (ख) ले सहमहामन्त्री रिना गुरुङलाई लाई सम्मान गरेको छ । पार्टी कार्यालय भरतपुरमा एक कार्यक्रमकाबीच सहमहामन्त्री गुरुङलाई सम्मान गरिएको हो । पार्टी अध्यक्ष राजेन्द्र लिङदेनले यही १६ गते गुरुङ सहितका ३० जनालाई विभिन्न पदमा मनोनित गर्नुभएको थियो ।
बागमती प्रदेश सांसद गुरुङ राप्रपाको केन्द्रीय सदस्यमा निर्वाचित हुनुभएको थियो । कार्यक्रममा जिल्ला अध्यक्ष रुद्रप्रसाद ढकाल, चितवन २ (ख) का अध्यक्ष दिपक गुरुङ, सचिव संगिता थापामगर लगायतले राप्रपा चितवनलाई मजबुत बनाउन थप सहयोग पुग्ने बताउनुभयो ।
सहमहामन्त्री रिना गुरुङले राप्रपाको एजेण्डाप्रति जनमत बढेकाले आगामी स्थानीय तह चुनावमा राम्रो नतिजा आउने दाबी गर्नुभयो । उहाँले सदियौँदेखिको पहिचान हिन्दुराष्ट्र र राजसंस्था ल्याउन राप्रपाको विकल्प नभएको बताउनुभयो । उहाँले राष्ट्रवादी शक्तिका रुपमा राप्रपा स्थापित भैसकेको बताउनुभयो ।
