चितवन । जिल्लाको एक मात्रै संघीय अस्पताल भरतपुरले बिहीवार देखि नियमित सेवा दिने भएको छ । कोरोना सङ्क्रमण बढेसँगै बन्द भएको सेवा पुन पहिलेकै अवस्थामा संचालन गरिने अस्पतालले जनाएको छ ।

अस्पतालले स्थगित गरेको ओपिडी सेवा र नियमित शल्यक्रिया पुनः सञ्चालन हुने भएको हो ।
माघ ९ गतेदेखि यी सेवा स्थगित गरिएको थियो ।

चिकित्सक, स्वास्थ्यकर्मी तथा कर्मचारीलाई संक्रमण भएपछि जनशक्ति अभाव हुँदा सेवा बन्द भएको थियो । बहिरङग सेवामा चाप बढेपछि अस्पतालले बिहान ८।३० बजेबाट ओपिडि सेवा सञ्चालन गर्दै आएको थियो ।

अस्पतालमा हाल ४१ जना सङ्क्रमित भर्ना भएर सेवा लिइरहेका छन् ।