चितवन। बन्यजन्तुको हेरचाहा र गैरकानुनी मानविय गतिवधि रोक्न चितवन राष्ट्रिय निकुञ्जमा सिसिटीभी थपिने भएको छ । निकुञ्जका अनुसार डब्लुडब्लु एफको आर्थिक सहयोगमा करिव ३१ वटा सिसिटीभी जडान गरीने निकुञ्जका सूचना अधिकारी गणेशप्रसाद तिवारीले जानकारी दिनुभयो।
त्यसका लागि जमिनमुनिबाट तार लैजान अहिले खाल्डो खन्ने काम अन्तिम चरणमा पुगेको छ । निकुञ्जको संवेदनशील क्षेत्रका आधारमा त्यसरी सिसिटीभी राखिने छ । अहिले कसरा देखि ध्रुवघाटसम्मका विभिन्न स्थानमा सिसिटीभी जडानहुनेछ ।
विभागिय निर्णय भएकाले धेरै जानकारी निकुञ्जसँग नभएको भन्दै खाल्डो खन्ने काम भने लगभग सकिन लागेको तिवारीको भनाई छ ।
जग्गा उपलब्ध गराउने देखि ठाउँ पहिचानमा निकुञ्जले सहयोग गरेको छ । ३१ वटा मध्ये सवैभन्दा बढी आवश्यक ठाउँमा पहिला जडान गरिनेछ ।
अहिलेसम्म पाँच वटा स्थानको पहिचान भइसकेको र त्यहाँ दुई दुई वटाका दरले सिसिटीभी जडान गर्ने लक्ष्य रहेको तिवारीले बताउनुभयो ।
यसरी जडान भएको सिसिटीभीबाट बन्यजन्तुको अनुगमन,गैरकानुनी गतिविधि निगरानी र नियन्त्रण जस्ता कार्यमा यसले सहयोग पुर्याउने उहाँको भनाई छ । सिसिटीभी जडानपछिको निगरानी र संरक्षण पनि चितवन राष्ट्रिय निकुञ्जले गर्ने तिवारीले बताउनुभयो ।
