गैँडाकोट । प्रेस काउन्सिल नेपालले आर्थिक वर्ष २०७५/०७६ र २०७६/०७७ को पत्रपत्रिका वर्गीकरण नतिजा सार्वजनिक गरेको छ । जसअनुसार नवलपरासी जिल्लाका ९ वटा पत्रपत्रिका वर्गीकरणमा परेका छन् । आर्थिक वर्ष २०७६/०७७ मा चार वटा क वर्गमा, एउटा ख वर्गमा र चार वटा ग वर्गमा परेका छन् ।
सार्वजनिक नतिजा अनुसार आर्थिक वर्ष २०७६/०७७ मा प्रदेश स्तरको परासीपत्र साप्ताहिक,स्थानीय स्तरको सामथ्र्य साप्ताहिक,स्थानीय स्तरको नमुना सन्देश साप्ताहिक र राष्ट्रिय स्तरको दैनिक लुम्बिनी क बर्गमा परेका छन् भने स्थानीय स्तरको जनअर्पण साप्ताहिक ख बर्गमा,स्थानीय स्तरको बर्दघाट पोष्ट दैनिक,प्रदेश स्तरको विजय खबर साप्ताहिक ,स्थानीय स्तरको दाउन्ने साप्ताहिक र स्थानीय स्तरको स्थानीयपत्र साप्ताहिक ग वर्गमा परेका छन् ।
त्यस्तै आर्थिक वर्ष २०७५/०७६ मा भने परासीपत्र साप्ताहिक, दैनिक लुम्बिनी,सामथ्र्य साप्ताहिक,नमूना सन्देश साप्ताहिक,जनअर्पण साप्ताहिक ख वर्गमा परेका छन् । समृद्धि खबर,दाउन्ने साप्ताहिक र स्थानीयत्र पत्र ग वर्गमा र विजय खबर साप्ताहिक घ बर्गमा बर्गीकरण भएको छ।
प्रेस काउन्सिल नेपालले प्रेस काउन्सिल ऐन, २०४८ को दफा १० बमोजिम गठित पत्रपत्रिका वितरण सम्परीक्षण समितिको वर्गीकरण प्रतिवेदनको आधारमा आ.व. २०७५/०७६ र २०७६/०७७ को वर्गीकरणको नतिजा सार्वजनिक गरेको हो । आ.व. २०७५/०७६ को वर्गीकरणको लागि आवेदन दिने ८८३ मध्ये प्रदेशस्तर १६६, राष्ट्रियस्तर १६५, स्थानीयस्तर ५५२ पत्रपत्रिकामध्ये क वर्गमा २१९, ख वर्गमा ४७६, ग वर्गमा १३७, घ वर्गमा १५ र नियमित तर हुबहु र वर्ग कायम नभएका ३६ वटा रहेका छन् ।
आ. व. २०७६/२०७७
त्यस्तै २०७६/०७७ को वर्गीकरणको लागि आवेदन दिने ८७८ मध्ये प्रदेशस्तर १६९, राष्ट्रियस्तर १४९, स्थानीयस्तर ५६० पत्रपत्रिका थिए । जसमा क वर्गमा २३९, ख वर्गमा ४३१, ग वर्गमा १६३, घ वर्गमा ० र नियमित तर हुबहु र वर्ग कायम नभएका ४५ वटा रहेका छन् ।
नतिजाउपर चित्त नबुझे आधार र प्रमाण सहित १५ दिन र डबल दस्तुर सहित थप सात दिनभित्रमा पुन मूल्याङ्कन गर्न सकिने प्रेस काउन्सिलले जनाएको छ ।
