गैँडाकोट । गैँडाकोट जेसिजको नयाँ समितिलाई पद हस्तान्तरण गरिएको छ । आज १५औँ स्थापनाको अवसर पारेर पद हस्तान्तरण सम्पन्न गरिएको हो ।
गत माघ ८ गते शनिवार भएको कार्यक्रमबाट वर्ष २०२२ का लागि सर्वसम्मत नयाँ समिति चयन गरिएको हो ।
शंकर अधिकारीको नेतृत्वमा बनेको नयाँ समितिको कार्यकारिणी उपाध्यक्षमा विपिन सापकोटा , हरि पौडेल, उपाध्यक्षमा सन्देश पराजुली,कानुनी सल्लाहकारमा मदन सापकोटा, महासचिवमा रोजन घिमिरे, कोषाध्यक्षमा इश्वर पौडेल रहेका छन् ।
वर्ष २०२१ का अध्यक्ष दया सापकोटाको अध्यक्षतामा भएको कार्यक्रममा गैँडाकोट नगरपालिकाका प्रमुख छत्रराज पौडेलको प्रमुख आतिथ्यता रहेको थियो ।
कार्यक्रममा बोल्दै नगरप्रमु्ख पौडेलले गैँडाकोट क्षेत्रभित्र रहेर जेसिजले समाजिक सेवाका काम गर्दै आएको र आगामी दिनमा पनि बिपन्न समुदायको हित र विकासमा लाग्न आग्रह गरेका थिए ।
कार्यक्रममा गैँडाकोट नगरपालिका उपप्रमुख बिष्णुकुमारी कंडेल, जेसिजका राष्ट्रिय उपाध्यक्ष नेत्रलाल भट्रराई लगाएतले शुभकामना दिएका थिए ।सो अवसरमा बोल्दै २०२२ का अध्यक्ष अधिकारीले आगामी दिनमा आफनो टिमले सबै संग सहकार्य र समन्वय गरेर समाज विकास र रुपान्तरणका लागि काम गर्ने बताए ।
कार्यक्रममा वर्ष २०२१ का अध्यक्ष दया सापकोटाले आफनो कार्यकालमा भए गरेका कामको बारेमा जानकारी गराएका थिए ।
