चितवन, माघ १४ । खेल्दै सिक्दै प्रकृयालाई थप प्रभावकारी गराउन सपना स्कुल सौराहा रत्ननगर र युलेन्स एजुकेशन फाउण्डेशन ललितपुरबीच आज सम्झौता भएको छ । सम्झौता पत्रमा सौराका स्कलका संरक्षक ध्रुव गिरी र युलेन्सका कार्यकारी निर्देशक डा अरनिको पाँडेवीच सम्झौतापत्रमा हस्ताक्षर गरिएको हो ।
सम्झौतापत्रमा चार मुख्य विषयहरुलाई प्राथमिकता दिएको छ । सपनाले अबलम्बन गरेको खैल्दै सिक्दै सिकाइ पद्दतीलाई संस्थागत रुपमा अगाडि बढाउने, सपना स्कुलको शैक्षिक विकासको लागि योजना निर्माणमा युलेन्सले सहयोग गर्ने, युलेन्सको अनुभव र विशेषतालाई सपना स्कुलमा प्रयोग गर्ने, युलेन्सको पाठ्यक्रमका आधारमा सपना स्कुलमा पढाई सुरु गर्ने सम्झौतापत्रमा उल्लेख छ ।
त्यसैगरी सपना स्कुलका शिक्षकहरुलाई युलेन्समा सिक्ने अवसर प्रदान गर्ने र युलेन्सका विद्यार्थीहरु शैक्षिक भ्रमणमा आउदा सपना स्कुलले सहयोग गर्ने गरी सहमती भएको सपना स्कुलका संरक्षक गिरीले बताए ।
सपना भिलेज सोसियल इम्प्याक्ट चितवनले संचालन गरेको विद्यालयमा हाल २५ जना विद्यार्थी अध्ययन गरिरहेका छन् । मुसहर, थारु समुदायका वालवालिका सहित विपन्न परिवारका विद्यार्थीहरुलाई प्राथमिकतामा राखेर पढाउदै आएको विद्यालयले सम्झौतापछि थप गुणस्तीय शिक्षा दिन सकिने विद्यालयका संरक्षक गिरीले बताए ।
युलेन्स सँग सम्झौतापछि अव शैक्षिक ज्ञान, पाठ्यक्रम, पढाउने विधि आदिवारे आदनप्रदान हुने उनको भनाई छ । शिक्षा सैद्धान्तिक मात्र नभई सिद्धान्त र व्यवहारलाई जोडेर गुणस्तरीय शिक्षा दिने अभियान रहेको भन्दै सम्झौताले थप टेवा पुग्ने उनले बताए ।
कार्यक्रममा बोल्दै युलेन्सका सीइओ डा अरनिको पाँडेले दुवै संस्था गैरनाफामूलक रहेको र उद्देश्य मिलेपछि सम्झौता गरेको बताए । काठमाण्डौका विद्यार्थीलाई चितवनको प्रकृति,संस्कृति रहनसहन बारे जानकारी दिने र चितवनका विद्यार्थीलाई काठमाण्डौको सिकाई प्रकृया आदनप्रदान गर्ने,शिक्षकहरुलाई तालिम दिने आदि कार्य गर्नेगरी सम्झौतामा उल्लेख गरिएको उहाँले जानकारी दिए ।
कार्यक्रममा बोल्दै रत्ननगर नगरपालिकाका नगरप्रमुख नारायण वनले यो सम्झौताले गुणस्तरीय शिक्षा सँगै व्यवहारिक ज्ञान हासिल गर्न विद्यार्थीहरुलाई सहज हुने बताए साथै नगरभित्रका सरकारी सामुदायिक विद्यालयमा पनि सिकाई प्रकृया,अध्यापन गराउने विधिवारे परामर्श तालिम प्रदान गर्न फाउण्डेशनलाई आह्वान गरे ।
गरिबी निवारण गर्ने लक्ष्यका साथ ११ जुन २०१२ मा स्थापना भएको सपना भिलेज सोसियल ईम्प्याक्टले सन् २०१६ मा सपना स्कुल स्थापना गरेको हो ।
सपना स्कुल व्यवस्थापन समितिकी अध्यक्ष बर्षा पुरीको अध्यक्षतामा भएको कार्यक्रममा वडा नं ७ का वडाध्यक्ष लालबहादुर भट्ट, नगर शिक्षा अधिकारी बद्रिनारायण शर्मा, सपना स्कुलका सचिव मेघराज पुरी, भरतपुर अस्पतालका प्रमुख डा. कृष्णप्रसाद पौडेल लगायतले मन्तव्य राखेका थिए ।
कार्यक्रम सुजन बस्नेतले सहजीकरण गरेका थिए ।
