गैँडाकोट । कक्षा १२ सम्म अध्ययन अध्यापन गराउँदै आइरहेको गैँडाकोटमा अवस्थित सरस्वती निकेतन बोर्डिङ स्कुलले ब्रिटिश काउन्सिल नेपालले प्रदान गरेको अन्तराष्ट्रिय स्कुल अवार्ड (आइएसए) २०२२ पाउन सफल भएको छ ।
विभिन्न परियोजना र कार्यक्रमहरु सम्पन्न गरेर स्कुलले अवार्ड प्राप्त गरेको विद्यालयका प्रधानाध्यापक भरतबाबु कडेँलले जानकारी दिए ।
विद्यार्थीहरुकै सक्रिय सहभागीतामा विभिन्न कार्यक्रम परियोजना संचालन गरेर सफल भएको उनले बताए ।
विद्यार्थीहरुले यसरी आफै संलग्न भएर पढ्न पाउँदा खुसी भएको बताउँदै विद्यार्थीहरुले प्रोजेक्टमा आधारित भएर अडियो भिडियोको माध्यमबाट अध्यापन गरिरहेको कडेँलले बताए ।
विद्यालयले विभिन्न सात वटा परियोजना सम्पन्न गरेको थियो । वातावरण, गरिबी, जंकफुडको विषयमा काम गरिरहेको विद्यालयले सिकाइलाई अझ बढि प्रभावकारी बनाउदै लैजाने उनको भनाई छ ।
लोकसंस्कृति र मौलिकतालाई जोगाउन मात्र नभई अन्य स्थानका संकृति बुझ्न र ज्ञानलाई वृहत बनाउन यसले सहयोग गरेको उनको भनाई छ ।
विद्यालयमा करिव ८९० जना विद्यार्थीहरु रहेका छन् ।
