चितवन । भरतपुर महानगरपालिकाभित्रको विकास वन्यजन्तुमैत्री गराउन ध्यानाकर्षण गराइएको छ । हात्तीको गोबर भरतपुर महानगरपालिकाको गेटमा राखी ध्यानाकर्षण गराइएको हो ।
विवेकशील साझा पार्टी चितवनले आज महानगर अगाडि हात्तीको गोबर राखेर वन्यजन्तुका लागि न्याय,पूर्वाधारहरु वन्यजन्तुका लागि पासो वन्दैछन् जस्ता नारा लेखिएका प्लेकार्ड सहित उनीहरुले एकछिन धर्ना जस्तै दिएका थिए ।
गत आइतवार भरतपुर महानगरपालिकामा विस्तार गरिएको छ लेन सडक खण्डको नालामा परेर गैँडाको मृत्यु भएको थियो । जनप्रतिनिधिहरुले जनताको आवाज र माग सुन्नुपर्ने भन्दै महानगरमा आएर ध्यानाकर्षण गराएको उक्त पार्टीका चितवन संयोजक प्रविन काफ्लेले बताउनुभयो ।
विश्वमै दुर्लभ एक सिँगे गैँडा मर्नुमा महानगरपालिका, सडक निर्माण गर्ने ठेकेदारको लापार्वाही भएको भन्दै अवका दिनमा यस्ता घटना हुन नदिने सचेत गराएको उहाँको भनाई थियो ।
कार्यक्रम गर्न गएका उक्त पार्टीका नेता कार्यकर्तालाई प्रहरीले भने हस्तक्षेप गरेको थियो । कार्यक्रम नगर्न भन्दै व्यानर वन्द गराउने र हात्तीको गोबर सोरेर फालिदिएको थियो ।
