गैँडाकोट । गैँडाकोट १४ मा रहेको जेनिथ युथ क्लबले ब्याडमिन्टन कोर्ट तथा टेबल टेनिस बोर्ड बनाएको छ ।
एक कार्यक्रमकावीच ब्याडमिन्टन कोर्टको नगर उपप्रमुख विष्णु कुमारी कडेँलले र वडाअध्यक्ष कोकीसरा रानामगरले टी.टी.बोर्डको उद्घाटन गर्नुभएको हो । कुल ५ लाख ७४ हजार ९६० रुपैयाँको लागतमा संरचना निर्माण गरिएको रामबाबु सापकोटाले जानकारी दिनुभयो ।
उक्त लागत रकममध्ये २ लाख २२ हजार ९११ रुपैयाँ नगरपालिकाले सहयोग गरेको हो भने वाँकी स्थानीयले श्रमदान तथा सहयोग संकलन गरेर निर्माणकार्य सम्पन्न भएको सापकोटाको भनाई छ ।
कार्यक्रममा वडाअध्यक्ष कोकीसरा राना मगर विशेष अतिथि रहनुभएको थियो भने युवा क्लवका प्रतिनिधि तथा स्थानीयको सहभागीता रहेको थियो ।
कोर्ट तथा बोर्ड निर्माणपछि खेल क्षेत्रमा दक्ष खेलाडी उत्पादनमा सहयोग पुग्ने विश्वास क्लवले गरेको छ ।योसँगै कोर्ट भएकै ठाउँमा कभर्डहलनै निर्माणका लागि धनप्रसाद सापकोटाको अध्यक्षतामा ९ सदस्यीय निर्माण समित समेत गठन गरिएको छ ।
