चितवन। लायन्स क्लब ईन्टरनेशनलका सस्थापक मेलिभिन्स जोन्सको १४३ औं जन्म जयन्तीका अवसरमा संसारभरनै बिबिध सामाजिक, शैक्षिक तथा मानबिय कार्यहरु लायन्स क्बलहरुले गरिरहेका छन् । नेपालमा पनि बिभिन्न स्थानमा यस्ता कार्यक्रमहरु भईरहेका छन् ।

लायन्स क्लब अफ चितवन नवलपुर तथा लायन्स क्लब अफ नारायणगढ दियालोले बिहीवार गैडाकोट नगरपालिका वडा नं ३ केलादी स्थित कालीगण्डकी बाल बिकास केन्द्रमा अध्ययनरत १९ जना बिद्यार्थीहरुलाई आवश्यक स्टेशनरी एंव स्कुल झोला बितरण गरेको छ ।

सामाजिक सेवाका माध्यमबाट बिश्वभरका सहयोगी ब्यक्तीत्वहरुलाई एउटै धागोको मालाका रुपमा सजाउन लायन्स क्लब सफल भएको भन्दै आगामी दिनमा पनि यस्तै कार्यलाई निरन्तरता दिनुपर्ने कार्यक्रमका प्रमुख अतिथि लायन्स क्लब ईन्टरनेशनल डिष्ट्रिक ३२५ बि २ का एक्जुकेटिभ चिफ सिद्धार्थलाल चुकेले बताउनुभयो ।

कार्यक्रममा एक्जुकेटिभ चिफ दिनानाथ न्यौपाने डिष्ट्रिकका सह कोषाध्यक्ष बिनोद सुवेदी, स्थानिय अभिभावक तथा दुबै लायन्स क्लबका सदस्यहरुको उपस्थिती रहेको थियो । कार्यक्रम लायन्स क्लब अफ नारायणगढ दियालोका अध्यक्ष लायन सत्यनारायण श्रेष्ठको अध्यक्षतामा सम्पन्न भएको थियो ।