पुस २७ । तनहुँ जिल्लाको ऋषिङ गाउँपालिकाले आयोजना गरेको दोस्रो ऋषिङ्ग अल्ट्रा म्याराथन प्रतियोगिता सम्पन्न भएको छ ।
नेपाली काँग्रेसका वरिष्ठ नेता रामचन्द्र पौडेलको प्रमुख आतिथ्यतामा समापन भएको प्रतियोगितामा १५ जिल्लाका धावक सहभागी थिए ।
संविधानसभा सदस्य झुलबहादुर आलेबाट उद्घाटन गरिएको प्रतियोगितामा तीन वटा भाग रहेको थियो ।
पहिलो भागमा खुल्लातर्फ (४३ कि.मि.) को दौडमा तीर्थ तामाङ प्रथम हुँदै नगद ६५ हजार सहित मेडल प्रमाण पत्र प्राप्त गरेका छन् । दोश्रो हुँदै देवराज महताराले रु. ४० हजार, तृतीय हुँदै सुमन कुलुङ राईले २५ हजार र सान्त्वना हुँदै राजन मेयङगवा,उमेश राई र प्रताप खड्काले रु. १०÷१० हजार नगद हात पारेका छन् ।

त्यस्तै दोस्रो भागमा स्थानीय खुला तर्फको (१० कि.मि.) दौडमा प्रथम हुँदै पदम बहादुर आलेले रु १५ हजार , द्वितीय हुँदै श्रीराम सिग्देलले रु. १० हजार, तृतीय हुँदै समुन्द्र आलेले रु ६ हजार र सान्त्वन हुँदै तिर्थ बहादुर रानाले रु २ हजार नगद हात पारेका छन ।

अन्तिम भागतर्फ स्थानीय महिला (४ कि.मि.) दौडमा प्रथम हुँदै सीता रानाभाटले रु.१० हजार , द्वितीय हुँदै यमुना थापाले रु. ८ हजार,तृतीय हुँदै सुश्मिता रानाभाटले रु. ५ हजार र सान्त्वना हुँदै बिष्णु परियारले रु.२ हजार नगद जित्न सफल भएका हुन् । ऋषिङ्ग गाउँपालिकाका कर्मचारी अनन्त रेग्मीका अनुसार गाउँपालिकको धार्मिक,सांस्कृति,ऐतिहासिक क्षेत्रको प्रचारप्रसार सहित पर्यटन प्रवद्र्धनमा टेवा पुग्ने उद्देश्यले कार्यक्रम गरिएको हो ।

सो अवसरमा कीर्तिमानी धाविका कान्छीमाया कोजूलाई सम्मान समेत गरिएको स्थानीय इन्द्र आलेले जानकारी दिए ।